Perpulungen GBKP Griya Martubung Runggun Mabar eme ngawan GBKP sitading ibas pemukimen Prumnas I ras II i Griya Martubung berjumlah jemaat mula mula 33 KK, kebaktin minggu ku gereja Mabar bage pe PJJ, Mamre, Moria, Permata KA KR. Jarak antara gereja GBKP Mabar lit kurang lebih 4 Km tapi transport ku Mabar kurang lancar terpaksa 2 atau 3 kali sambung naik angkot maka banci seh i Mabar. Erkiteken si maka ngawan ngawan GBKP si tading i Griya Martubung megati terlambat ngikuti kebaktin minggu, bagepe kegiaten PJJ, Mamre, ras kegiaten Diakonia.
Erkiteken sie maka arih arih kerina ngawan GBKP si tading i Martubung sekitarna, uga cara maka situasi si memberatken ngawan ngawan enda, emaka i usulken ku Runggun Mabar maka ibahan perpulungen i Griya Martubung erbahan kebaktian minggu ibas ingan si pake bekas Ruko puna Alm. Kaseh Sinulingga berlokasi Jln. Raya Griya Martubung No. 18 Griya Martubung.
Singkat cerita maka e i setujui Rg.Mabar ras BP Klasis Pembangunen Medan Deli Tua, maka kebaktin si pemena ibas wari Minggu bulan Mei 2004 bersasarkan SK Rg.Mabar Klasis Pembangunen Medan Deli Tua Nomor : 08/SK/RGM/2004, tanggal 1 Mei 2004 betehen Ketua Klasis PMD Alm. S.Pandia, M.Div jenari ngawan bertambah terus seh asa gundari enggo lit ngawan 60 KK sementara ingat kebatin sempit (bekas ruko) ukuren 5 X 13 meter janah eipe i pinjam sementara ngenca, eme seh bulan Mei 2009 sireh enda jenari lanai banci i pake guna kebaktin minggu, tapi ibas perkuan ate Tuhan maka gundari enggo lit tapak Gereja ibereken pihak Prumnas gia belangna pas pasen, enda banci i idah bas gambar tapak.
Endam sebabna maka kami bermohon ku Klasis PMD terus ku Modramen GBKP bagepe man kerina ngawan ngawan GBKP gelah kita kerina muat bagin sue kata Dibata si tersurat Matius 28, maka nina Jesus Sehkenlah berita keriahen enda ku ujung doni. (termasuk martubung)
Bagendam maka persentabin entah sekapur sirih enda ibahan kami gelah kita kerina muat bagin, belin kitikna sesuai ras gegehta lit sekalak sekalak, tapi sitek pe tuhu tuhu iarapken kami penampatndu s/t anak anak Tuhan sebab kami ngawan sikitik denga kal sitading i rumah prumnas si lenga lunas, emaka ertoto kami man s/t ngawan GBKP i ja pe kam ringan Pasu pasu Tuhan man bandu sebab kalak si melumbar mere ibereken Tuhan tole janah simpar pasu pasu man kalak si malang man Tuhan didengan erkeleng man manusia.
Dibata si masu masu kita ibas kerina pendahinta. Terpuji Gelar Tuhan arah kita membangun rumahna si Badia e. Amin.
Bujur Ras mejuah juah
Bp. Grace Sinoekaban.
.
